Menü
Start
Mir
spiele
Musig
u Wort
Bilder
Kontakt
Press
Liechtjahr
Chumm doch chly nöcher
Lueg dert di Stärne
Lueg, wi si funkle so häll u so klar - u so nöch!
Chumm, leg dy Chopf doch
Chly a my Schultere
Millione vo Liechter luege da obe vor Milchstrass üs zue.
Gsehsch dert der Castor?
U sy Zwilling, der Pollux?
Si stöh so nöch, so nöch bynand wi du un ig.
U sy doch Liechtjahr, Liechtjahr, Liechtjahr vonand.
I gseh der Wäg no,
Wo mir sy härcho
Vo dert unde ym Tal by de Liechter u em Ruusche vor Outobahn.
Lueg, üsy Spure
Da über d'Matte
Da sy mir glüffe mitnand, mal näbe-, mal hinderenand.
Es gseht fasch so us
Als wär's nume ei Spur
Als wäre mir eis gsy uf däm Wäg bis dahi.
U doch sy mir Liechtjahr, Liechtjahr, Liechtjahr vonand.
U mir läbe beidi
Y üsne Wälte
U wüsse so weni, so weni vonand.
Chumm, leg dy Chopf no
Chly a my Schultere
I gsehn e Stärnschnuppe verglüeje am Horizont
U es isch Liechtjahr, Liechtjahr, Liechtjahr ewäg.